TANTE P' PARLA'
P' carità....n' voije critica' !
Ma certe vote sinte d' parla',
sinte d' fa cèrti raggiunamènte
pesante ch' nzi 'ncolle manghe i vènte
Oddì ! I vènte c' la fa lo stèsse
ma quasce manghe a jsse c' 'ntèrèsse.
Inzomme c' refunne d' cuscènze,
perchè so' proprje cose sènza sènse.
Cumma s' dice sènza cape i code!
Ma dope dice: " Bhè.. tutte fa brode,
giacchè stènghe a passa' p' questa vije
m''ncolle tutte i facce pulizzije".
I meno male jèma rengrazia'
sennò 'nd'avisse addo' raccapezza'!
Tu ti truvisse sèmpre ammèzze i pède
pure passènne sopre i marciappiède.
Pasquale parle sèmpre da scènziate
Giuvanne d' carote i d' 'nzalate,
Giusèppe ch' n'è manghe fèsse
parle d'èconomije i d' progrèsse,
d' la politiche intèrnazionale
i s'la cave , inzomme, n' nc'è male;
Francische de patane i barbabbjète,
Vincènze immèce dice " J ce crète !"
Ma ogni tante dice quacche cose,
magare d' j pranze d' 'na spose.
Antonie parle dell'ècologgije:
"Ormaje é deventate na manije
la ggènte va a 'nzulfa sènza st'attènte,
jètte buttije ovunque, rècipiènte
d' 'nzetticide ch' avvelène tutte,
le piante, la nature vè' distrutte"
Pasquale ch' a parlà ce s' recrije
arrecummènze ch' l'astonomije;
Giuvanne attacche ch' l'irrigazione,
Francische parle d' cuncimazione,
d' stalle , allèvamènte d' bèstiame
anche p' fa' 'n poche d' ...lètame,
mancime ftte apposte bilanciate,
cuncime pure più proporzionate;
Vincènze ch' nzà più cu a da dice
sènza responne sènte chiste amice,
i sènte però 'nc' da rètte
i sta' a penza' soltante a na cènètte;
Giusèppe, sènza pèrde l'occasione
parle pèrsine della rèliggione
parle d' Dogme, d' j Sacramente,
dice ca jsse é proprije 'n crèdente.
I s' l' crète proprije p' davvère
ca jsse é in grade d' spijgà i Mistère.
L' dice, l' rèdice, i 'ò fa crède
cha solamènte jsse tè' la fède.
Intante se raggione a più non posse.
Pasquale che se crete une grosse
pije la palle al balze i n' la lasse
i la manovre ch' na cèrta classe.
"Dunque, " cumènze i j'attacche sfèrre:
"Vu' sète abbituate a j rasotèrre,
ma j v' dice cha tènète torte,
ècche perché n' jète maj in porte,
v'èta allena' chi pete i ch' la cocce
sapènne ca i pallone n'é 'na bocce. "
Pure s'he cumenzate a ciampeca',
però uguale sèguete a parla'.
" Dunque, sò ditte....Ma cu stènghe a dice?!
Ecche i pallone é sole p' curnice!...
N' nc'èntre proprije nènte i manghe sale!...
Ogge l' so' luggiute a j giurnale:
Mo h' i Vichinghe ch'arrive a Marte,
secondo mè, s' scuprene l' carte,
s' vede s' quaccune èlloche sopre
c'è state, ch'l'analese s scopre
sècondo mè nc'è state mai nisciune
cumme s'è viste già sopre la Lune.
Perchè, secondo mè, s' so'sbajate
a ffa i cunte tutte i scienziate."
" Scì beneditte!Ma cu sta' redice?"
"Tu o fa' crède a tutte chiste amice "
REsponne une ch' è laurèate
"L' sacce j' perchè l'so' studiate.
I cunte j'hanne fatte bbone
sole ch'ancore è giunte l'occasione
p'dimostrarle proprije chiare i tunne
ca i globbe della tèrre n'è tunne;
ca é quadrate oppure s'è sbillunghe,
u s'è repijne oppure s'è funghe.
J' v' l' so' spijegate chjaramente,
perchè l' so' studiate da studènte."
Ammezze a tutte quiste rattattuije,
a 'stì discorse ch' n' fanne gruije,
ammèzze a tutte chisti capisciune,
inzomme ammèzze a chisti cuccèlune,
addi' che n' 'ntireve manghe i vènte!
Vincènze n' ncie raccapèzze nènte.
Pèrò, secondo mè, é state i meije,
perchè dicètte proprije tante bbèije:
"Vajju' , v'l'ènga dice lisce lisce?!
J' 'si raggiunamente n'ì capisce
i allore mo v' facce 'na proposte,
sènza fa' case a quèlle ch' c' coste,
jeme a 'na parte beije 'nsanta pace
i c' magnème quèlle ch' c' piace,
ognune magne quèlle ch'a piacère
i c' bevème tutte 'n bicchjere"
Di fronte a sta' proposte tante onèste
tutte fènètte bbèije lèste i prèste.
'Po quasce all'albe, prèste,la matine
passirne, cumme al solete, i scupine.
Scupirne tutte quèlle discussione
l' carechirne sopre a j furgone,
dope pulirne pure j'atri pèzze
i c' mittirne 'ncoppe la munnèzze
1977
indice
delle "altre rime" |
inizio
-libri editi -parlato
pulito - sposi -politica-
amici - altre rime
-immagini -giochi-
nomi - prosa - novità
© 2023 by Duilio De Vincentis- tutti i diritti delle immagini usate sono
dei rispettivi titolari s.l.
Webdesigner:weball - curato
e messo in rete da |
per  |