I' DIVORZJE E' 'NA SFURTUNE
" So viste cèrte machene girènne,
ch' j'altoparlante vanne strillènne:
vive i' divorzje,la lègge Fortune,
ma 'ste Fortune cu è quacchedune?"
Eh! Fijje mi' ! Fortune sa' chi é?
Si' ancore ciche n' l' pò' sapé,
é une che sta déntre i' Parlaménte
i éssa fa' le béne p' la ggènte,
imméce ha fatte male quasce a tutte,
la lègge di' divorzje é cosa brutte.
I cu é i' divorzje,ma',j' n' l' sacce!
Mi 'o spjga' 'ntramènte sténghe 'n bracce?
Le sa' cu è i' divòrzje fijje mi'?
J' quasce quasce nt' julésse di'.
E' 'na sciacure,'na desgrazia grosse
che s' c' colle é méjje j' alla fosse.
Ma se ce sta i' divòrzje, pe despétte,
ognune cèrche a ffa' cumma c' pare,
la bona volontà n' nc' se métte
i la famijje préste se separe.
I n'é cuntènte j'une i manghe j'atre,
é fijje d' 'n patre che nn'é patre,
la marnma sé' é sole la sfurtune.
I fijje nzo' i fijje de nisciune.
I chi j'ha fatte nasce chisti fijje?
Quante' te si'spusate'stive svijje,
perché nc' si' penzate prime allore?
I mo perché se da' la colpe a lore?
Ecche perché la lègge n' nn'é bone,
la vite é sèmpre piéne d'occasione,
fa fa' le cose che più léggérézze
é facele a commétte le sciocchézze.
Stèmece attènte a quéste votazione,
ne cumplicheme le situazione,
vutenne sci succéde i scatafasce
pe le famijje so' cummèddje a rrasce.
Perché j' forse più n't'abbraccésse
i'n'atra mamme manghe le facésse,
Perché la sorelline che tu té'
forse che tì n' nc'èssa remané'.
I allore restassèmme separate,
tu va' che une i quélle va che 'n'atre.
Ma j' te vojje béne fijje mi'
i quéste cose nt' le vojje di'.
`M`allore 'st' Fortune é 'na sfortune!
J' vojje sta' che ti u che nisciune."
I mèntre parle quélla criature
basce la mamme piéne de paure.
inizio
-libri editi -parlato
pulito - sposi -politica-
amici - altre rime
-immagini -giochi-
nomi - prosa - novità
© 2023 by Duilio De Vincentis- tutti i diritti delle immagini usate sono
dei rispettivi titolari s.l.
Webdesigner:weball - curato
e messo in rete da |
per  |