A ZI' NI COLE AI ' JURNE DI' CENTESEME COMPLEANNE
Pasquale ce dicétte a Sor Nicole:
bon giórne Sor Nicò a cu sta' a penzà
ascise a sse murijje sóle sóle?
Sicuramènte tu sta' a repassà,
pure se nzi pijjate maje appunte,
ammane ammàne i lunghe riassunte.
Che jì te scritte dentre la memòrje:
le cose bèlle, la cara fanciullézze,
le giovéntù, gli amori tanta glorje,
le gioje, i sacrifice, la tristézze
i ll'atre esse che tté 'mpétte chiuse,
che nne l'ha viste manghe i più curiuse.
Quande nasciste fuste furtunate,
viviste tra le cujje i scupparèlle,
dalla famijje fuste coccolate.
'Ne maschje sóle ammézze a tré surèlle.
De chijj témpe fu 'n privilègge
a ji a studià daventre a 'nn collégge.
Pérò i témpe se facirne brutte,
più brutte de cumm'ivene normale,
ch'i' tarramute tutte fu distrutte,
la prima guèrre, terribbele, mondiale.
Partiste pure tu a dda' 'na mane,
perché tu pure ive 'n itagliane.
D'allore, nella prima tua sortite,
faciste la tua svolte decisive .
Béjje giunotte, àvete, istruite;
i supériore, in mode imperative,
forse dettate da 'n generale,
te sbarichirne a i' corse d'ufficiale.
Ne nn'é che te piacesse la cariére,
nn'ive tajjate, nn'ive entusiasmate,
pérò 'n témpe de guèrre éve i dóvere
i tu te comportiste da suldate.
Tra bombarde, trincèje, casematte
i sémpre allèrte pe resta' in contatte.
Fu brutte quélla guèrra malédétte,
tante battajje i scarse risultate,
dópe la ritirate a Caporétte
j'ésèrcete éve già quasce sbandate.
L'acque di' Piave devendétte rosce,
pérò l'Italie iétte a lla riscosse.
I reveniste sane i ssalve a caste,
furmiste dégnaménte 'na famijje
assiéme a lla Peppine bèlle i onèste,
che fu 'na mamme ch'i timore de Ddíje.
Quiste i' prim'atte de la stòria té,
ma dèpe quiste n' nze sa perché,
Fòrse i gallone sopre la divise
te dirne quijje aspètte più marziale.
L'Italie 'ntrétte a 'nna profonda crise,
nénte éve bbòne, jéve tutte male.
Ì succedétte la rivoluzione:
Gnova dottrine i gnóve convinzione.
A tì venirne a farse da''na mane,
in sènzo buone, in sènzo rispéttose,
perché venirne ch'ive più umane,
calme, bonarje, nn'ive 'n ambiziose.
Onèstamànte, sénza la malizje
te retruviste déntre a lla Milizje.
Ammézze tutte quijje rattattujje
fuste cunténte d'ajjuta la barche
a ffarle navigà 'na bbòtte méjje
i farla sei' da déntre la bburrasche.
Fu accuscì che pp'évità i sfasce
prestiste giuraménte pe j' fasce.
Giuriste etérnamènte fedéltà,
te remittiste 'ngójje la divise
i nuovamènte sénza più ésità,
a còste pure de murì' accise,
tu manteniste i' giuraménte fatte,
fine alla fine, fine alla disfatte.
Nobile gesto d'un soldato schiétto,
amante dei principi basilari:
la fedeltà, il massimo rispetto
e obbedienza agli alti militari.
Ecche perché si' state respettate.
Brave borghése i otteme suldate.
Pasquale a mmì m'ha raccuntate quéste
i j' le sténghe sòle a recurdà.
Massére ammézze a quésta bèlla fèste
e bbéjje recurdà la vérità..
Cérte i testimonje n' nce stanne
se ne so'jte già da parécchj' anne.
N'é state i' témpe a tti e state i' cane
che t'ha ridotte un pò sacrificate,
uléve pazzijà che 'nne crestiane,
te s'ha jttate 'ngojje i ssi cascate .
Cént'anne, so' cént'anne, nn'é 'n schérze!
I cu é mmo che va reggènne i' stérze !
Cumme se fa a raccuntà cént'anne,
soltante tu jatisse raccuntà
i tu le sa ca i' témpe spesse inganne,
ma jsse sa ch' a tti nte po'ngannà.
Tu té' la mènta sane i lla memòrje
i 'ncòcce té' affilate tante stòrje.
Ma mó nci'avéme témpe,'n'atra vóte,
facéme quésta fèste in allégrije,
tra amice, tra nepute i pronipote,
sénza penzà a antiche nostalgije.
i' munne d'ogge é qquiste i ci pijjéme,
nù tutte in core, tuttequante 'nziéme,
T'auguréme quélle che tu vo',
cént'anne so' passate, nce penzà!
A tèrre a òtte recuminze mó,
maje ippó maje tu nda da straccà.
Tu sìguete a cuntà da quist'istante
fine arrivù a 'un'atra vote tante.
30 aprile 1996
indice
delle "altre rime" |
inizio
-libri editi -parlato
pulito - sposi -politica-
amici - altre rime
-immagini -giochi-
nomi - prosa - novità
© 2023 by Duilio De Vincentis- tutti i diritti delle immagini usate sono
dei rispettivi titolari s.l.
Webdesigner:weball - curato
e messo in rete da |
per  |