|
Duilio De
Vincentis
Zitte,zitte,
ca mò te racconte....
I fòche
di puverèjje
"Ne j sbrascéte, se cunzume
tróppe !
Chi sbrasce i fóche dope se ne pènte,
sapéte ca é fatte che j pióppe
i se sse sparje dure 'n muménte...
Almìne éssa durà tutta massére
bbéjje, abbelate déntre a 'ste bbrascére.
Pe bbéne vóstre j' le sténghe
a ddice,
sapéte.ca 'sta case é puverèlle,
se nce remane manghe la cenice
'pó ve mittéte a ffa la saldarélle.
É mméjje a rrescallarve a ppóche a ppóche
no remané più ttarde sénza fóche.
Ve dà fastidje pure a j ggelune,
Le ccòse ve se 'mpìjsscene de vacche!
se sse ne và nne vv'ì redà nisciune...
Nn'é mica tante frédde 'sta bbarracche! . . .
Se ss'atturésse méjje quella sfischje
nce 'ntrésse manghe tante la nevischje.
Bhè, 'sta bbarracche sta ridótte
male!
Ce l'hanne fatte dope i tarramute,
del réste pure l'atre stanne uguale!
Pe raccunciarle ne nz'é maje putute,
nce s'é putute a ffarce quacche ccóse
che 'sta famìjja tante numéróse."
Quéste paróle mamme ce dicéve,
ma no perché uléve sparagnà,
pròprje perché i fóche scarzìjeve
appòste nn'ì vuléve fa sbrascià.
Nne ppózze dice ca nce despiacésse,
pérò j'arabbeléva sèmpre j ésse.
A ddirle pare tutte ésaggérate,
a rraccuntarle pare nn'é lle vére,
pérò i témpe ne ll'ha cancellate
te le resinte all'òsse quélle sére.
Spéce ógge ammézze a 'ste comodità
pare a vvedé che nn'é la réaltà.
Pare che vvive cumme ne nabbabbe,
bbéjje sdrajate sopre 'na poltrone,
pare nte còlle la bbiastéme, j'abbe
déntre a 'ste case ch'i térmósifóne.
Imméce nn'é lle vére ! . . . Ne cc'é mmale
!
Se vive cumma vive chi é nnormale.
Pare a vvedé! Perché pare
a vvedé?
Perché allóre nisciune stéve bbóne
i se vivéve male sól perché
quijje che stéve asscise a lla poltróne
vedéve sóle i solamènte Rocche,
rempóste éllóche, sópre quélla rocche.
Gennaio '56
|
testi